Ibilbideak
Hizkuntza ikasketa prozesuak burutzeko hiru ibilbide ezberdin baina, aldi berean, bateragarriak izan daitezkeenak aurreikusten dira. Alde batetik, eskola presentzialak (ikastaro arruntak, trinkoak, ikastaro bereziak); bestetik, autoikaskuntza zerbitzua, ordutegi malgutasuna eskaintzen duena eta ikasleari hizkuntza ikasketak askatasun handiagoz burutzeko aukera ematen diona.
Azkenik, barnetegiak, aurreko bi ibilbideei dagokienez balio erantsia izan daitekeena, bateragarria eta hizkuntzaren sozializaziorako eta hizkuntza murgilketarako oso garrantzitsua.
Hiru ibilbide hauek ez dira, inondik ere, baztertzaileak, ikasketa prozesu baten barruan guztiz bateragarriak izan daitezkeen metodoak baizik.
